Shayarana Andaaz

This is a very random thought sharing post and probably a very serious one. It is actually a conversation between me and one of my friends through texts. Thoughts were just thrown across and taking a cue from one the next reply came. Reading through all of it the next day I just realised that it all made sense and it actually formed something- something that could be shared. It just started with my habit of rhyming everything and the friend on the other side supported. This was not even related to anyone but the end result was fascinating.

Sab kuch acha hai par di toh bacha hai, aur sache pyar ka vaada kacha hai.

Bada gaur farmaya hai apne, par hum apko savdhan kar rahe hai kyuki na dekhe aap koi aise sapne.

Na dekhenge aise sapne, jisme chod jayenge apne, aapne kar diya savdhan, agar kuch hua to yaad kerenge apka farmaan.

Arre hum bhi nahi dekhte kabhi aise sapne, jisme ho koi apne, kyuki hamare apne he dete hai dhoka, isliye to hai apne dil ko thaam ke roka.

Dhoke ki aadat dalni padegi, par dil yeh samajhta nahi, zindagi toh agey badhegi agar yaadein taaza hoti nahi.

Yaadon ki baraat mein kabhi na khona, baatein hoti hai taaza toh bhi kabhi na rona, kyuki ek baat dil me rakhlo ki in sab baaton me ghum hone se zindagi ko dena pad sakta hai bhari jurmana.

Kuch yaadein hoti hai jo rula deti hai, ro ro ke baad mein sula deti hai, bhar lenge hum koi bhi jurmana agar kisiko yaad karneka yehi ho bahana.

Jurmana bhar bhar ke thak jaoge, aankhon se ro ro ke so jaoge, par in palko ke sayein main jeete jeete apni jindagi ko gumnam kar jaoge.

Agar yaad karne ka yehi hai anjaam, to chalega nahi hoke gumnam, khushiya milne ki aas rakh sakte hai, aur yaadon ko phir bhi paas rakh sakte hai.

Khushiyan aur yaadein kabhi ho nahi sakti ek, ye mera pakka dava hai, tu bhi gaur se sabki zindagi main dekh.

Gaur se dekhi toh hai bahuton ki jindagi, yaadon se phir bhi hai unki bandagi, khushi aur dukh toh sabke paas hai, har kisi ke liye koi aur khaas hai.